Откако раскина со Жерар Пике, Шакира стана вистински плен, а неколку славни мажи фрлија очи на неа. За неа наводно е заинтересиран холивудскиот актер Том Круз, но Шакира, изгледа, баш и не уживала во неговото присуство. Сепак, тоа не беше случај со Формула 1 возачот.
Имено, 38-годишниот Луис Хамилтон и Шакира во последно време се многу блиски, а тоа го потврди и извор близок до нив.
– Сакаат да поминуваат време заедно и моментално се во таа фаза на „запознавање“, тоа е интересно и флертувачки – вели изворот.
Гласините за тоа како тие ќе бидат совршен пар започнаа уште во мај, кога пејачката беше видена со него на јахта.
Папараците ја фатија Шакира (46) како се качува на јахта пред нејзината куќа во Мајами, на која им се придружија познатиот Формула 1 возач и неколку пријатели, само неколку часа откако заедно ручаа во ресторан. Но, наводната девојка на Луис, 24-годишната Јулијана Налу, никаде ја немаше на повидок, што, судејќи по фотографиите, воопшто не му пречеше бидејќи добро се забавуваше со Шакира.
Пејачката неодамна беше на Ф1 трката во Барселона, каде што се натпреваруваше и Луис, а гласините за нив станаа се погласни после тоа.