Русија синоќа ја нападна Украина со 38 дронови „Шахид“, соопшти денеска украинското воздухопловство, наведувајќи дека 26 од овие беспилотни летала се од иранско производство.
Регионот Одеса е меѓу областите кои синоќа беа цел на руските сили, а посебно на мета беше пристаништето Измаил.
– Нападот траеше два часа – напиша на Телеграм Олег Кипер, гувернерот на регионот Одеса.
Тој додаде дека повеќето од беспилотните летала биле соборени.
„За жал, пристанишната инфраструктура е погодена во областа Измаил“, рече тој, мислејќи на истоименото пристаниште на Дунав.
Кипер изјави дека биле оштетени контролниот пункт, магацините и триесетина камиони, а двајца возачи се ранети.
Речното пристаниште Измаил, кое се наоѓа на границата со Романија, стана една од главните правци за извоз на украински земјоделски стоки откако Русија во јули се повлече од договорот за жито што овозможи бесплатен транзит на тие производи во изминатата година.
Footage of a Russian attack against the Orlivka area near the ports of Reni and Izmail – filmed from the Romanian side #Ukraine pic.twitter.com/UhPJlXImCg
— Michael A. Horowitz (@michaelh992) September 26, 2023
Оттогаш, руските напади врз јужните региони Одеса и Миколаев се зголемени.
Вечерашниот нов напад следи по вчерашниот опсежен напад на руските сили врз Одеса, кога истоимената област беше нападната со 19 дронови и проектили Шахид, меѓу кои и две суперсонични ракети Оникс.
Yet another massive Russian attack on Odesa and Dnipropetrovsk regions last night.
— Anton Gerashchenko (@Gerashchenko_en) September 26, 2023
In Izmail district of Odesa region, Shahed drones hit the port infrastructure. The checkpoint building and warehouses were damaged, as well as about 30 trucks, 6 of which caught fire. Two truck… pic.twitter.com/GFD28xk8ZF
Синоќа четири лица беа ранети во областа Керсон на југот на Украина во руски напади.
Во областа Днепропетровск, градот Криви Рих беше погоден со балистичка ракета, како и градот Никопол.