Да ви кажеше некој пред само пет години дека Шведска ќе има разнишана и ослабена економија и вртоглаво зголемување на криминалот во земјата, што бара вклучување на Армијата покрај полицијата, веројатно немаше да верувате.
Да ви кажеше некој тогаш дека ќе се зголемат гарантираните цени на становите за социјално ранливите групи, дека пазарот на недвижности ќе престане и дека цените на основните прехранбени производи ќе скокнат за неколку проценти за краток период, веројатно не би верувал ниту во тоа.
Во моментов Шведска има најголема инфлација во последните 30 години.
Шведската круна е најслабата во однос на еврото во историјата, а зголемувањето на каматните стапки за многу домаќинства значи многу повисоки плаќања за хипотека. Цените на храната се зголемени за 20 отсто за една година.
Бројот на банкроти во Шведска се зголеми во јануари оваа година на највисоко ниво во последната деценија поради зголемениот притисок врз градежните компании предизвикан од тековната криза на пазарот на недвижности, пишува Bloomberg.
Бројот на стечајни пријави се зголеми на 622, што претставува зголемување од 47 отсто во однос на претходната година.