Лидерот на Демократската партија во Албанија, Сали Бериша, го критикуваше албанскиот премиер Еди Рама за неговиот пристап кон дијалогот Косово-Србија, наведувајќи дека погрешил со последните изјави за ЗСО и додаде дека Рама е првиот што воведе санкции за Косово за да се заштити себеси и неговите соработници.
-Еди Рама беше првиот, на најсрамен начин, кој воведе санкции за Косово. Зошто ниту една друга влада во регионот, Црна Гора или Северна Македонија, Хрватска не го стори тоа? Еди Рама го направи тоа. Што доби Рама од тоа што му го направи на Косово – праша Бериша во интервју за РТК.
Тој го обвинува Рама и за, како што вели, „сложувањето“ со претседателот на Србија, Александар Вучиќ, додека нацрт-Заедницата на општините со српско мнозинство на Косово, како што вели, не е нацрт на Рама.
– Тоа е план на Тирана, а јас тоа не го прифаќам – рече Бериша.
Според него, и Курти и Вучиќ се спротивставиле на нацртот на Рама „штом го виделе“. Тој рече и дека – Косово е дел од Албанија и така треба да остане.
Тој зборуваше и за средбите со поранешниот косовски претседател Ибрахим Ругова, како и со група борци на УЧК и командант Адем Јашари во 1992 година во Тирана.
– Не беше многу едноставна средба, бидејќи ми поставија прашање – што ќе направиш за Косово? Мојот одговор беше:
,,Ви гарантирам дека половина од времето посветувам на Косово, половина на Албанија, и тоа се потврди и останав со тоа, бидејќи националниот интерес за мене е на прво место” – рече Бериша.
Зборувајќи за политичките настани во Албанија и за поларизацијата кај демократите, тој рече дека враќањето на Бериша е крајот на Рама.
– Може да го прашате Еди Рама зошто е преплашен. Рама разбра дека му дојде крајот… враќањето на Сали Бериша ќе се случи и тоа ќе биде неизбежно. Победата на опозицискиот народ, која се обидува да ја потисне, е само прашање на време – убеден е Бериша.