Една навика е клучна за добар и здрав сон!
Ако сте имале проблеми со спиењето, сигурно сте ги испробале сите можни трикови. Сепак, според експертите, постои една работа што повеќето луѓе ја занемаруваат, а која е пресудна за спиење – температурата во спалната соба. Неврологот Крис Винтер вели дека одржувањето на студената спална соба прави голема разлика.
Националнаta фондација за спиење на САД (NSF) препорачува дека температурата во просторијата секогаш треба да биде помеѓу 15 и 20 степени и истакнува дека просечната температура во домот обично е помеѓу 21 и 27 степени.
„Можеби сте забележале дека кога ќе се разбудите, стапалата ви штрчат од под покривката. Ова е природен обид на вашето тело да ја регулира температурата“, објаснува д-р. Крис Винтер.
Одржувањето на вашата спална соба ладно помага да се одржи температурата на вашето тело пониска, што ви овозможува полесно да заспиете.
„За време на РЕМ фазата на спиење, телото престанува да го контролира потењето и треперењето. Затоа, претерано топол простор доведува до пократко време поминато во РЕМ фазата, што може да доведе до заборав и да го отежне станувањето наутро“, објасни неврологот.
Сите овие се причините поради кои експертите препорачуваат да ја разладите собата пред да си легнете. Има и душеци за ладење, а пред спиење можете да ги ставите перниците во замрзнувач на кратко за да ја одржувате главата ладна. „Пробајте и видете колку подобро ќе спиете“, советува неврологот.