Медицинската сестра по име Џули, која работи во установа специјализирана за палијативна нега во Лос Анџелес, е многу популарна на Интернет благодарение на содржината што редовно ја споделува. Имено, таа не се двоуми отворено да зборува за она што го сретнува во својата работа, но и малку повеќе да ги информира луѓето за еден од најголемите стравови – смртта.
Што се случува при крајот на животот ? Кои симптоми се појавуваат во тој момент и како да ги разбереме нашите најблиски кога нивниот живот полека згаснува…?
Како што вели и самата, на многу луѓе некои работи им изгледаат ненормални пред смртта, но всушност се сосема нормални. Едно од нив е појавување на личности, или визии што се случуваат. Таа истакнува дека повеќе од половина од оние за кои се грижела имале своевидна визија, односно луѓето виделе починати пријатели, семејство и домашни миленици непосредно пред нивната смрт.
Џули вели дека ако некој го доживее ова, тоа не е показател дека е психотичен или дека му недостасува кислород – тие се свесни. Пред смртта, луѓето многу често ги гледаат саканите кои починале, како што се членовите на семејството, пријателите и домашните миленици. Исто така, поради тоа, тие често „зјапаат“ во далечината, како да гледаат во празен простор.
Зошто се случува ова ?
„Немаме идеја зошто се случува ова визионирање и не тврдиме дека тие всушност ги гледаат овие луѓе. Немаме идеја. Но, сè што можам да ви кажам, како здравствен работник кој долго време се занимава со оваа работа, тоа се случува постојано“, објаснила таа.
„Тоа се случува толку често што всушност мораме да го едуцираме семејството и пациентот за темата пред да се случи, така што тие не се неверојатно вознемирени. Обично тоа е јасен показател дека личноста се приближува кон смртта – обично околу еден месец или неколку недели пред да починат. Тоа ми носи утеха. Се надевам дека ќе ви донесе малку утеха и вам“, заклучила таа во своето видео на крајот кое е апсолутен хит на социјалните мрежи.