Бахмут ја доживеа несаканата слава помеѓу многубројните градови околу кои се водеа крвави битки, загинаа многу војници и цивили, уништувањето е толку страшно што историјата ќе заклучи дека, често, нема воена логика за тоа.
Во интервју за AP, украинскиот претседател Володомир Зеленски кажа дека – „доколку Бахмут падне во рацете на агресорските сили, рускиот претседател Владимир Путин ќе ја продаде оваа победа на Западот, на своето општество, на Кина и на Иран. Ако намирисаат на крв, ќе мислат дека сме слаби и ќе продолжат со притисокот“.
Доцентот Маркус Матијас Кеуп, воен економист од ETF во Цирих изјави за Neue Zürcher Zeitung дека – „од јануари ја разгледуваме веројатно последната можна руска иницијатива за оваа војна во Донбас. Таа е осудена на пропаст бидејќи на Русите постепено им снемува луѓе и опрема. Дополнително, ситуацијата околу Бахмут нема стратешко значење за развојот на ситуацијата на фронтот во целина“.
Со ова делумно се согласува и украинскиот генерал-полковник Олександр Сирскиј, кој на социјалната мрежа Телеграм објави, како што пренесува Wall Street Journal, дека – „во битката за Бахмут наша главна задача е да ги исцрпиме супериорните сили на непријателот и да нанесеме големи загуби на нив. Ова ќе ги создаде потребните услови за ослободување на украинската земја и ќе ја забрза нашата победа“.
Во средата, медиумската агенција Reuters пренесе изјава од украинската армија: „Непријателот продолжува да го напаѓа Бахмут. Сепак, нашите бранители храбро го држат градот, одбивајќи бројни непријателски напади“. Денис Пушилин, водачот на делот од регионот на Доњецк кој е под контрола на Москва, вели дека повеќето украински сили се повлекле од фабриката за метал во западен Бахмут и дека руските сили напредуваат, како што потврди Институтот за проучување на војната (ISW).
Бахмут така ќе остане потврда за неспособноста на армијата со најголемиот нуклеарен арсенал во светот да го освои градот по седум-месечна опсада, срамнувајќи го со земја, а сега украинската армија мора да го брани, без разлика на жртвите, бидејќи целосниот пад би имал негативно влијание врз моралот на пошироката јавност на граѓани.
Володимир Зеленски за AP нагласи дека падот на Бахмут ќе биде одлучувачки момент, по што ќе следат притисоци од домашната јавност – „нашето општество ќе се чувствува уморно, нашето општество ќе ме турне на компромис со Русите“.
Украинскиот претседател, зборувајќи за САД, беше претпазлив. AP цитира само една од неговите реченици: „САД навистина разбираат дека ако престанат да ни помагаат, нема да победиме“. Ова се однесува на дебатата што започна во САД пред среднорочните избори во ноември минатата година, кога некои кандидати на републиканците започнаа дискусија за помошта за Украина, па така, Кевин Мекарти, актуелниот прв човек на Претставничкиот дом на Конгресот, кажа дека повеќе нема да има „бланко чекови“ за Киев. Три месеци е на чело на законодавниот дом и ништо не е сменето откако дојде.
Рон ДеСантис, гувернерот на Флорида и веројатен кандидат за претседателска номинација на републиканците, изјави дека конфликтот во Украина е „територијален спор“ кој не е витален американски интерес. Поранешниот демократски претседател Барак Обама изјави во 2014 година, по руската анексија на Крим, дека Украина е „суштински интерес“ на Москва во смисла дека тоа не е за САД. Отворената агресија на Русија го промени опсегот на администрацијата на претседателот Џо Бајден пред се поради заканата за безбедноста на Европа – САД двапати го спасуваа Стариот континент, па сега претпочита да дејствува превентивно.
Изјавата на ДеСантис, како и другите, слични републикански, треба да се гледаат во светлината на партизираноста и инстинктивното противење на секој потег на демократската администрација, која активно му помага на Киев. Пораките како ДеСантис одекнаа кај дел од републиканскиот естаблишмент, но партиското врвно и средно раководство имаат силен антируски став, дури посилен и од демократите. Гувернерот на Флорида набрзо потоа гостуваше во емисија на Fox и го прогласи рускиот претседател Владимир Путин за „воен злосторник“ кој ја започна инвазијата на Украина.
Позицијата на поранешниот претседател Доналд Трамп може да биде поконтроверзна бидејќи тој верува – навистина – дека војната ќе заврши за еден ден по негов разговор со Владимир Путин. Поголемиот дел од светот се надева дека тој нема да победи на изборите поради неговите контраверзни ставови.
Поголем проблем е однесувањето на кинескиот претседател Си Џинпинг, кој најави дека по посетата на Москва ќе разговара и со претседателот Володимир Зеленски. Киев сè уште чека телефонот да заѕвони: поради можното кинеско влијание врз Владимир Путин, украинската влада не ја отфрли позицијата на Кина за конфликтот во Украина, документ кој се смета за почетна точка на посредувањето предводено од Пекинг за крај на војната.
Колку подолго чекаат, толку помалку имаат надеж дека мировната иницијатива на Си ќе ги исполни повеќето од нивните легитимни барања. Зборувајќи за AP, Зеленски дефинира дека одлуката на Путин да распореди нуклеарно оружје во Белорусија е обид да се сврти вниманието од недостатокот на гаранции што ги добил од Кина.
„Што навестува ова: дека посетата не беше добра за Русија“, шпекулира Зеленски.