Џенифер Лопез откри дека таа и сопругот Бен Афлек „и двајцата имаат посттрауматско стресно растројство“ поради интензивното медиумско внимание што го преживеале кога првпат биле заедно.
Пејачката и актерка, која моментално се подготвува за објавувањето на нејзиниот претстоен албум „This Is Me…Now“ – продолжение на нејзиниот албум „This Is Me…Then“ од 2002 година и неговиот придружен филм – го откри вознемирувачкиот факт во ново интервју за „ Variety “ објавено во средата. Според Page Six, нејзиниот нов филм ќе ја документира нејзината романса со ѕвездата од „Gone Girl“, но ставањето на нивниот приватен живот во центарот на вниманието ја прави нервозна.
– Додуша, сега сме постари. Ние сме помудри и знаеме што е навистина важно во животот. Научивме и дека не е толку важно што мислат другите. Важно е да бидете верни на себе – истакнува популарната Џеј Ло.
– Како уметници мораме да го следиме нашето срце. Правам нешто што можеби не сите мислеа дека е најдобрата идеја, но морав да го сторам тоа – објаснила понатаму пејачката ѕвезда.
Во трејлерот за нејзиниот претстоен филм, чиј автор е Афлек, Лопез вклучи писмо што и’ го напишал во 2002 година, кога се забавувале.
На прашањето дали новиот филм според сценариото е долгометражен или документарен, пејачката одговори само дека „мора да се види филмот за да се разбере“.
– Јас го нарекувам „музичко искуство“. Ако има музика, можете да ја видите, можете да ја слушнете и можете да ја доживеете – истакнува Лопез.
Да потсетиме, Џеј Ло и Бен првпат започнаа врска откако се запознаа на снимањето на нивниот филм „Gugli“ во 2003 година. Потоа се впуштија во романса, но катастрофалната изведба на филмот на бокс офисот ја извалка нивната врска. Нивната врска исто така стана вистинска мамка за таблоидите, додавајќи уште поголем притисок врз врската. Бенифер, како што често ги нарекуваа во раните 2000-ти, раскина набргу откако Џеј Ло ја откажа нивната венчавка во 2003 година.
Набргу потоа Лопез се омажи и се разведе од Марк Ентони, со кој ги има 15-годишните близнаци Макс и Ема.
Во меѓувреме, Афлек имаше три деца со поранешната сопруга Џенифер Гарнер, Вајолет (18), Серафина (14) и Семјуел (11), во бракот кој траеше од 2005 до 2018 година. Лопез и Афлек ја обновија својата романса во 2021 година и се венчаа во Лас Вегас во 2022 година.