Поранешната премиерка на Шкотска, Никола Старџен, изјави дека била шокирана и под голем стрес кога била уапсена и ослободена вчера (недела), додавајќи дека е невина за истрагата за финансиски малверзации на Шкотската народна партија (СНП).
„Знам дека оваа истрага е тешка за луѓето и благодарна сум што многумина продолжија да покажуваат верба во мене. Го ценам тоа, никогаш не би направила ништо за да и наштетам на СНП или на земјата. Очигледно, со оглед на целиот овој процес, не можам да одам во детали. Сепак, сакам да го кажам ова – невина сум, ништо не криев“, напиша Никола Старџен во објава на социјалната мрежа Твитер.
Таа додава дека невиноста не е презумпција и дека е должна да го почитува законот.
„Знам без сенка на сомнеж дека сум невина, не сум направила ништо незаконско. Многу луѓе ми испраќаа пораки со поддршка во изминатите недели, вклучително и денес. Ви благодарам за вашата добрина. Му благодарам на моето најблиско семејство и пријателите кои ми ја даваат потребната поддршка во овој момент. Ќе ми требаат ден или два за да ги обработам најновите случувања“, додава таа.
Никола Старџен вели дека планира да се врати во парламентот каде што ќе продолжи да ги претставува своите гласачи од јужен Глазгов „најдобро што може“.
Таа беше ослободена од притвор без обвинение во очекување на понатамошна истрага откако беше уапсена вчера.
Никола Старџен, која поднесе оставка како прв министер и лидер на СНП на почетокот на април, е третата личност која е уапсена како дел од операцијата „Бранчформ“, истрага на шкотската полиција за наводите дека партијата потрошена повеќе од 600.000 фунти (700.000 евра) во донации во кампањата.
Нејзиниот сопруг Питер Мурел, поранешен извршен директор на СНП, беше уапсен на 5. април во нивниот дом во Адингтон, во близина на Глазгов, и беше испрашуван 12 часа пред да биде ослободен без обвинение, пишува весникот The Guardian.
Полицијата извршила претрес во нивната куќа и градина, а според налогот извршила претрес во седиштето на СНП, документи и компјутери.