Иако неговиот Ливерпул не победи и продолжи со невидена криза, Мохамед Салах конечно постигна гол и даде знаци на враќање во добрата форма што го краси со години.
Салах е во невидена криза. Тој е потресен, неговите настапи не се добри, навивачите го повикуваат тренерот да го отстрани од почетниот состав, а Арне Слот го направи тоа во Лигата на шампионите, во која Ливерпул бележи само добри резултати.
Сепак, можеби синоќа видовме знаци на враќање на препознатливата форма на Мохамед Салах. Во поразот од Брентфорд, Египќанецот постигна фантастичен гол на крајот што покажува дека, и покрај тоа што е во криза, Салах може да постигнува голови што многу други играчи не можат.
Беше 89-та минута кога Доминик Собослај ја украде топката од одбраната на Брентфорд, а потоа му ја додаде на Салах. Египќанецот со левата нога ја нафрли топката надесно, а потоа силен удар од првиот допир ја заврши во домашната мрежа.
Погледнете го голот тука.
Тоа беше првиот гол на Салах по шест натпревари пауза за Ливерпул во сите натпреварувања. Неговиот Ливерпул го претрпе четвртиот пораз по ред во Премиер лигата.