Ја продал вилата за 450.000 евра, а сега го бркаат за долг од 55 евра! Поради новите сопственици Бреговиќ е во неволја

Легендарниот музичар Горан Бреговиќ се најде во апсурдна ситуација – иако пред пет години ја продаде својата вила во Загреб, сметките за отстранување на ѓубрето се уште доаѓаат на неговото име.

Загрепската комунална служба „Чистоќа“ сега му наплаќа долг од 30 евра, кој со задоцнети камати и трошоци на постапката порасна на 55 евра.

Проблемот настанал затоа што семејството Слежак, кое ја купило вилата во 2019 година, не пријавило промена на сопственоста на објектот. Ја урнаа старата куќа и изградија две урбани вили, но не ги известија надлежните органи, што доведе до тоа дека сметките се уште ги држи претходниот сопственик – Горан Бреговиќ.

Фото: АТА слики

Долгот за смет се однесува на периодот од декември 2023 година до април 2024 година, а Бреговиќ имал осум дена да го подмири, пренесува хрватски „Империјал“.

Инаку, музичарот ја купил вилата во 2006 година за 450.000 евра и ја издавал за дури 5.500 евра месечно. По продажбата, новите сопственици се соочија со тужби за неплатени сметки за струја и вода, а сега е оваа ситуација со ѓубрето.

Останува да видиме како ќе се реши правниот спор и дали семејството Слежак ќе преземе одговорност за своите обврски, за Бреговиќ да се ослободи од долгови кои не му припаѓаат.