Поради обилни дождови, во Њујорк беше издадено предупредување за поплави, некои патишта беа затворени, а летовите беа одложени.
Предупредувања за ненадејни поплави се издадени за Њујорк Сити, Вашингтон, Балтимор, Њуарк, Њу Џерси и Арлингтон, Вирџинија – вклучувајќи го и Националниот аеродром Реган.
Националната метеоролошка служба предупреди дека се можни поплави опасни по живот во западниот дел на округот Јунион, Њу Џерси.
На Менхетен, водите ги поплавија и метроата додека патниците беа во возот, пишуваат странските медиуми .
Дополнително, округот Берген во североисточен Њу Џерси и округот Вестчестер во Њујорк се исто така под предупредувања за ненадејни поплави.
Патниците низ целата земја продолжуваат да се соочуваат со прекини во патувањето, со откажани 1.966 летови и одложени повеќе од 10.090 летови низ целата земја поради временските услови, при што Источниот брег доживува најголеми последици од бурите.
„Јунајтед ерлајнс“ во соопштението изјави: „Сериозните временски услови влијаат врз работењето на „Њуарк Либерти“, а издадена е забрана за летање за управување со обемот на летови и ограничување на застојот“.
Гувернерот на Њу Џерси, Фил Мерфи, прогласи вонредна состојба поради ненадејни поплави и „високи нивоа на врнежи во делови од државата“.
„Ве молам останете внатре и избегнувајте непотребни патувања“, рече тој на X.