Доколку сте љубители на едноставни колачи без печење, задолжително пробајте го овој чоколаден десерт. Станува збор за кремаст десерт за кој ќе ви треба половина час за подготовка.
Важно е само добро да го изладите пред послужување за да се спојат сите слоеви.
Состојки:
- 400 грама мелени бисквити
- две лажици чоколаден крем
- една лажица какао
- 100 грама стопен путер
- 250 грама крем сирење
- 50 грама шеќер
- 550 милилитри млеко
- 60 грама инстант чоколаден пудинг
- 60 грама инстант пудинг од ванила
- 250 милилитри шлаг
- рендано чоколадо
Подготовка:
Прво намачкајте ја тавата за печење. Можете да користите калап со дијаметар помеѓу 22 и 25 сантиметри. Во поголем сад измешајте ги мелените бисквити, стопениот путер, какаото и чоколадниот крем. Откако ќе добиете изедначена смеса, притиснете ги на дното од калапот и ставете ги во фрижидер.
После тоа со миксер се мати крем сирењето, се додава шеќерот и 50 милилитри млеко и повторно се мати. Во друг сад изматете ги со миксер шлагот и прашокот за пудинг од ванила додека не добиете тврд крем. Соединете го кремот од сирење со кремот за пудинг и намачкајте го врз основата и вратете го во фрижидер.
Потоа следува подготовка на чоколадниот крем. Тоа ќе го направите така што ќе го изматите пудингот со млеко (приближно 500 милилитри млеко) и ќе го премачкате со изладениот крем од ванила и сирење. На крајот посипете го колачот со рендано чоколадо и оставете го да се излади во фрижидер најмалку четири часа.