Откако го финализираа разводот во јануари 2025 година, Џенифер Лопез и Бен Афлек одлучија да го повлечат од продажбата својот заеднички луксузен дом во Лос Анџелес, имот првично проценет на 60 милиони евра.
Двојката се обидела да го продаде имотот од јуни 2024 година, првично неформално, а потоа го објавила јавно во јули.
И покрај напорите, интересот на пазарот беше низок и не се појавија сериозни купувачи.
Според извор за списанието „Пипл“, двојката не сакала да претрпи финансиска загуба и затоа одлучила да ја намали продажната цена на 55 милиони евра, во обид да привлече нов интерес од потенцијални купувачи. Но, дури и по овој потег, ситуацијата не се променила.
„Иако се надеваа дека ќе ја продадат куќата, тие беа исто така претпазливи да не претрпат голема загуба“, рече изворот, додавајќи дека одлуката да ја тргнат од пазарот „била деловна одлука донесена заедно“.
Овој прекрасен имот во Беверли Хилс вклучува 12 спални соби и 24 бањи, што го прави една од најлуксузните резиденции во областа.
Сега кога е повлечен од пазарот, останува нејасно дали ќе го користи некој од нив или ќе биде повторно оценет во иднина.
Џенифер Лопез и Бен Афлек се разведоа во јануари 2025 година, по две години брак.