Американските власти одлучија да ја префрлат напаѓачката група на носачот на авиони USS Gerald R. Ford во Средоземното Море како форма на помош за Израел.
Информацијата ја потврди американскиот министер за одбрана, Лојд Остин.
„Групата ги вклучува и носачите и бродовите за поддршка“, вели Лојд Остин.
Министерот додаде дека САД ќе обезбедат дополнителна муниција за Израел.
„USS Gerald R. Ford и неговите околу 5.000 морнари и палуба од воени авиони ќе бидат придружувани од крстосувачи и разурнувачи во демонстрација на сила наменета да биде подготвена да одговори на се. Од евентуално спречување дополнително оружје да стигне до Хамас и да врши надзор“, се вели во соопштението.
„Првата помош ќе започне денеска и ќе пристигне во наредните денови“, најави Лојд Остин.
Претседателот на САД, Џо Бајден, му кажа на премиерот на Израел, Бенјамин Нетанјаху, во неделата дека повеќе помош за израелските одбранбени сили е на пат за Израел.
По разговорите меѓу двајцата лидери, Белата куќа излезе со соопштение.
„Претседателот уште еднаш изрази длабоко сочувство за сите исчезнати, ранети и убиени и вети целосна поддршка на Владата и народот на Израел во соочувањето со невидениот и страшен напад на терористите на Хамас“, соопшти Белата куќа.
Џо Бајден и Бенјамин Нетанјаху конкретно разговараа за земање заложници од членовите на Хамас.
Израелските сили, да потсетиме, во моментов го гранатираат Појасот Газа и палестинската територија, додека Хамас ги напаѓа јужните и централните делови на Израел.
Бројот на загинати се зголемува од час во час. Израел вели дека најмалку 700 луѓе се убиени, а повеќе од 2.100 се ранети од почетокот на нападот во саботата.