13 мртви рудари пронајдени во рудник за злато: Пред смртта, семејството добило морничави снимки од подземјето

Во рудник за злато во Перу беа пронајдени 13 мртви рудари , кои беа киднапирани една недела претходно, објави денес Би-Би-Си.

Тие работеа во рудник за злато во сопственост на перуанската рударска компанија Подероса, кој се наоѓа во покраината Патаз, северно од главниот град Лима.

Тие биле испратени да се соочат со група луѓе вклучени во нелегално рударство во областа, но биле киднапирани од криминална банда која се обидувала да ја преземе контролата врз рудникот.

Бандата ги држела како заложници во рударско окно, а една недела испраќале заканувачки пораки до роднините на рударите.

Во петокот, рударската компанија, која вработува 8.000 луѓе, објави соопштение во кое се вели дека е разочарана што полицијата не презема доволно мерки за спречување на нелегалното рударство.

Перуанскиот новински сајт „Диарио Корео“ објави дека на социјалните мрежи се појавило видео , наводно снимено од самите киднапери, на кое се гледа како рударите се егзекутирани од блиску.

Ojo, quienes asesinaron a 13 trabajadores de seguridad de la Minera Poderosa en Pataz, no son simples asesinos. Son activistas. Estos terroristas justifican sus crímenes argumentando que “luchan a favor de la minería artesanal”.

Este video es de enero.pic.twitter.com/Xm1mLKyyKZ

— Imperium.pe 🐸 (@Imperium_peru) May 4, 2025

Од 2020 година, нелегалното рударство ја презеде контролата врз неколку рудници управувани од Подероса, принудувајќи ја компанијата да ги прекине некои операции и „ставувајќи ја во опасност физичката безбедност на вработените и рударите-занаетчии“.

Перу е еден од најголемите светски производители на злато, со повеќе од 100 тони годишно, што е околу четири проценти од вкупната годишна понуда на светот.