Околу 10 милијарди денари или над 160 милиони евра се смета дека е финансиската сума испумпана од набавка и дистрибуција на мазут, за што полицијата поднесе кривични пријави против 13 лица. Неофицијално, станува збор за разоткриена мрежа на увозници кои незаконски дистрибуирале деривати со сомнително потекло и квалитет, преку фиктивни договори, заеми и брокерски услуги.
Според истражувањето на ИРЛ, дел од мазутот што РКМ го испорачувала во 2023 година бил купен од компанија во Босна, која ИРЛ претходно ја истражувала и открила дека компанијата продавала контаминирана нафта што на крајот се користела за загревање на болниците во Македонија. Локалните инспектори потоа извршиле проверки и утврдиле дека се работи за токсично масло, а не за мазут.
Според истрагата, Ратко Капушевски е фатен уште два пати како манипулира со лажно деклариран мазут. По ова, Регулаторната комисија ја одзеде лиценцата на РКМ во 2021 година, но подоцна ја врати откако ги отстрани недостатоците.
Во ноември 2021 година, со цел зголемување на производството на електрична енергија поради енергетската криза, Владата се согласи да ја отвори термоцентралата Неготино, која беше затворена 13 години. ТЕЦ Неготино треба да произведува струја со цел да се намали цената на струјата за време на енергетската криза. Министерот за економија Крешник Бектеши во изјава за ИРЛ призна дека тоа се прави на сметка на животната средина.
Поради оваа причина, ЕСМ отвори два тендери за набавка на 188 тони мазут во вредност од 112 милиони евра. Идејата беше парите заработени од електричната енергија произведена со мазут ЕСМ да ги користи за дополнително снабдување со мазут. Фирмата на Ратко Капушевски ги доби тендерите.
Предмет на истрагата на Обвинителството, покрај злоупотреба на службената должност и перење пари, е и квалитетот на испорачаниот мазут, кој како гориво често содржи високо ниво на сулфур, тешки метали или други штетни соединенија кои можат да доведат до сериозно загадување на воздухот и почвата и следствено на тоа да го загрозат здравјето на граѓаните.