Кардиоваскуларните заболувања можат да се манифестираат на неочекувани начини, а првите знаци често се гледаат во стапалата.
Кардиоваскуларните заболувања одземаат речиси 18 милиони животи низ целиот свет секоја година, а неочекуваните симптоми на стапалата можат да укажуваат на нивно присуство. Американската академија за дерматологија (AAD) посочува три клучни знаци што можат да се откријат со набљудување на стапалата и прстите на нозете.
Оток на стапалата
Отекувањето на стапалата , заедно со нозете и глуждовите, е еден од можните знаци на срцеви заболувања. Овој медицински феномен познат како едем може да укажува дека срцето не работи правилно.
– Многу срцеви заболувања предизвикуваат насобирање течност во стапалата и долниот дел од нозете. Како што течноста се задржува, отокот може да се прошири кон горниот дел од нозете и препоните – вели AAD, објавува „ Mirror “.
Според NHS, отокот може да биде помал наутро и поинтензивен во текот на денот.
Сини прсти
Сините прсти може да бидат знак за запушени крвни садови.
– Кога ви е ладно, вашата кожа може да стане сина или виолетова. Ако вашата кожа е ваква дури и кога ви е топло, тоа може да значи дека вашата крв не добива доволно кислород. Синдромот на син прст е предизвикан од блокада на крвните садови, што може да доведе до смрт на кожата ако не се лекува. Ова нарушување е познато како цијаноза , објаснува AAD.
Болни грутки на прстите
Болни грутки, познати како Ослерови јазли, може да се појават на прстите на рацете и нозете.
– Овие нодули се јавуваат кај пациенти со инфективен ендокардитис, инфекција на срцето. Тие можат да траат од неколку часа до неколку дена, но иако поминуваат сами од себе, потребно е инфекцијата да се третира со антибиотици. Во некои случаи, потребна е хируршка интервенција – истакнува AAD.