Веќе не ни размислуваме затоа што знаеме дека температурата на телото до 37 степени е нормална, а кога сме болни е над таа вредност и така е веќе 150 години. Но, новите студии сугерираат други вредности.
Овој стандард од 37 степени беше предложен од германскиот доктор Карл Вундерлих во 19 век. Тој собрал податоци од милион мерења направени од 25.000 луѓе и открил дека температурниот опсег (кога биле здрави) е од 36,22 до 37,5 степени.
Утврдената вредност од 37 степени била аритметичка средина на сите мерења што ги направил. Потоа утврдил друга граница, односно температурата по која се смета дека има треска и ја поставил на 38 степени.
Меѓутоа, една нова студија, која ги анализирала податоците за телесната температура на повеќе од 126.000 луѓе помеѓу 2008 и 2017 година, ја стави под прашање оваа вредност стара 150 години.
Истражувањето открива дека просечната температура на човечкото тело е 36,6 степени, што е значително отстапување од претходниот стандард.
Зошто постои оваа разлика е големо прашање и дали има некакви импликации за дијагностицирање и лекување на инфекции ? Некои истражувачи веруваат дека разликата може да се припише на несовпаѓање во мерењето помеѓу методите што ги користел д-р. Карл Вундерлих и модерната медицинска пракса. На пример, познато е дека д-р. Карл Вундерлих користел термометри до пазувите за мерење на температурата, што може да даде различни резултати во споредба со денешните современи начини за мерење на температурата на телото.
Спротивно на тоа, некои експерти тврдат дека луѓето всушност станале поладни во минатиот век. Постои студија за температурата на телото која тврди дека напредокот во здравствената заштита и целокупното здравје придонеле за овој тренд. Подобрениот третман на инфекции, подобрената грижа за забите и развојот на лекови како што се статини и нестероидни анти-инфламаторни лекови може да ја намали фреквенцијата на ниска треска и последователно да ја намали просечната треска.
Научниците се согласуваат дека 37 степени повеќе не треба да се сметаат за стандард за температурата на човечкото тело.