Маснотиите околу стомакот понекогаш можат да бидат голем проблем од кој е тешко да се ослободите, но правењето некои промени на самиот почеток од денот може да помогне да се намалат. Од движење по будењето до правење паметни избори за појадок, одредени утрински навики можат да го забрзаат вашиот метаболизам и да помогнат во согорувањето на мастите, особено околу половината.
Создавањето добра утринска рутина може да ви го олесни одржувањето на доследноста и да видите резултати со текот на времето. Диететичарката Даниел Меклелан сподели четири едноставни работи што можете да ги направите веднаш по будењето ако сакате да ги намалите салото на стомакот.
Пијте вода пред кафе
Пиењето вода пред утринското кафе може да помогне во намалувањето на салото на стомакот бидејќи помага во рехидрирање на телото по неколку часа спиење, што може да го забрза метаболизмот и да го подобри варењето на храната.
„Хидратацијата игра важна улога во губењето на тежината. Исто така, ни треба повеќе вода кога го зголемуваме внесот на протеини и влакна“, тврди нутриционистот, пренесува SheFinds.
Подгответе добар и здрав појадок
Здравиот и заситувачки појадок може да биде ефикасен начин за намалување на салото на стомакот и контрола на желбите во текот на денот. Урамнотежениот оброк со доволно протеини, растителни влакна и здрави масти помага во стабилизирање на шеќерот во крвта, потиснување на гладот и забрзување на метаболизмот.
Примерите вклучуваат омлет со зеленчук и авокадо, грчки јогурт со бобинки и семе од чиа или овесна каша со јаткасти плодови и протеин во прав. Сето ова може да ве држи сити со часови, а во исто време да го поттикне вашето тело да согорува масти.
Како што објаснува диететичарот: „Доволниот внес на протеини и влакна многу го олеснува постигнувањето на калориски дефицит“.
Започнете со движење веднаш наутро
Кратка прошетка по будењето, особено по појадокот, може да помогне во регулирањето на шеќерот во крвта, забрзувањето на метаболизмот и започнувањето на процесот на согорување на мастите во текот на денот. Дури и брза прошетка од 10 до 20 минути може да ја подобри чувствителноста на инсулин и да ја намали веројатноста за акумулација на маснотии околу стомакот.
Меклелан го нарекува тоа „кратенка“, додавајќи дека „треба да се обидете да ја вклучите оваа навика во вашата утринска рутина“, објавува SheFinds.
Планирајте оброци и закуски
Ако знаете што ќе јадете наутро, помала е веројатноста да правите импулсивни, висококалорични избори што често водат до прејадување, особено храна богата со шеќер и рафинирани јаглехидрати, кои придонесуваат за создавање маснотии на стомакот.
Диететичарот заклучува дека „подготовката однапред ќе ви помогне да останете на вистинскиот пат со здрави навики во текот на денот“, што значи дека ќе имате помала потреба за импулсивно јадење и консумирање нездрава храна.