Менопаузата е природен процес на стареење на жената и го означува крајот на менструалните циклуси, а се дијагностицира откако ќе поминат 12 месеци од последната менструација. Симптомите се различни – некои жени имаат благи симптоми и лесно минуваат низ менопауза, додека други го опишуваат овој период како многу тежок и хаотичен.
Д-р Александра Костиќ, специјалист по гинекологија и ендокринологија и раководител на гинекологија во Здравствениот дом „Д-р Симо Милошевиќ“ во Белград, откри кои се најчестите симптоми на менопауза.
– Менопаузата го претставува последниот период во животот. Симптомите кои ја придружуваат перименопаузата (периодот пред и по последната менструација) се најчесто топли бранови, потење, несоница, зголемена раздразливост, промени во сексуалната желба, „магла во главата“, која, според една студија, ја доживува дури 60 отсто од жените кои штотуку влегле во менопауза и дебелеење покрај истите прехранбени навики – вели д-р Костиќ.
Кога се појавуваат првите симптоми?
– Првите тегоби може да се појават уште околу 40-тата година, но жените не ги препознаваат, ги припишуваат на замор, стрес и слично, а може да траат и неколку години од последната менструација.
Дали може да се случи жената да го изгуби циклусот, а потоа по неколку месеци или години повторно да го добие иако тој веќе не е редовен?
– Менструацијата може да биде нередовна, периодот помеѓу два менструации може да биде неколку месеци. Меѓутоа, ако жената крвари, а од последната менструација поминала повеќе од една година, веднаш треба да се обрати на гинеколог.
Колкав процент од жените прифаќаат хормонска терапија за менопауза?
– Сè поголем број жени се свесни колку е важно лекувањето на проблемите со менопаузата. Жените во перименопауза обично се во зенитот на својата кариера, а многу изразените поплаки може да им го отежнат секојдневното функционирање. Тешките симптоми не можат да се решат без хормонска заместителна терапија и помош од лекар.
Како изгледа третманот на овие тарапии?
– Терапијата на проблемите со менопаузата може да биде во форма на таблети, спрејови, фластери, креми, гелови. Жените треба сами да платат за повеќето од овие производи.
Како се зема оваа терапија – континуирано или наизменично?
– Се препорачува терапијата за симптоми на менопауза да се зема континуирано, без паузи.