Стогодишниците ширум светот имаат заеднички навики во исхраната кои им помагаат да постигнат долг живот.
Квалитетниот појадок помага во активирање на метаболизмот, му дава енергија на вашето тело и го намалува ризикот од хронични болести.
– Појадокот е секогаш богат со влакна, кои ги поддржуваат цревата и на крајот го намалуваат воспалението. Стогодишниците обично јадат едноставна, целосна храна за појадок, која обезбедува енергија, спречува скокови на шеќер во крвта и не содржи преработени состојки. Околу 90 проценти од исхраната се состои од цели зрна, зеленчук и грав – вели Ден Батнер, американски писател и истражувач на долговечноста. Списанието Real Simple состави листа од осум намирници кои долговечните луѓе најчесто ги јадат за појадок.
Овесна каша
„ Жителите на Лома Линда обично јадат овесна каша за појадок “, рече Батнер, што не е изненадувачки со оглед на импресивната хранлива вредност на овој оброк од цели зрна, вклучувајќи протеини, влакна, манган, фосфор, магнезиум, бакар, железо, цинк и витамини од групата Б како тиамин и пантотенска киселина. Овие хранливи материи го поддржуваат здравјето на цревата, срцето, имунитетот и метаболизмот, а сето тоа е корисно за долг живот“, објасни тој. Потоа додаде:
– Покрај тоа, високата содржина на влакна во овесната каша може да помогне да се намали ризикот од рак на дебелото црево.
Тост со разни преливи
Во Сардинија и Икарија, појадокот обично се состои од леб, мед и/или парче сирење. Како здрава опција, можете да подготвите солени тост со авокадо, чаден лосос или јајца, или сладок тост со јаткасти плодови или путер од кикирики, овошје и јогурт. Сите овие состојки го намалуваат воспалението и спречуваат болести. За дополнителни здравствени придобивки, изберете леб од цели зрна, кој помага да се стабилизира шеќерот во крвта и да се спречи дијабетес.
Чиа пудинг
Иако чиа пудингот можеби не е вообичаен за сите стогодишници, тој е вистинската храна за долг и здрав живот. Чиа семето е богато со влакна, протеини и омега-3 масни киселини кои помагаат во одржување на енергијата и намалување на воспалението. Тие се исто така одличен извор на калциум, железо, магнезиум, фосфор, цинк и други хранливи материи кои го поддржуваат здравјето на срцето, коските и имунолошкиот систем и можат да помогнат во спречување на хронични болести и зголемување на густината на коските.
Јогурт, гранола и овошје
Чаша јогурт, гранола и овошје за појадок може да помогне во здравото стареење. Овошјето како боровинките се богати со антиоксиданси, кои го поддржуваат здравјето на срцето и го намалуваат оштетувањето на ДНК. Гранолата и овошјето се исто така добри извори на влакна, важни за здравјето на цревата. Стогодишниците често имаат исклучително здрава цревна микрофлора, што може да биде клучот за нивната долговечност.
Мисо супа и зеленчук
Ако сакате топол, вкусен појадок, може да уживате во мисо супата со зеленчук што стогодишниците ја јадат во Јапонија, особено во Окинава. Оваа супа е богата со влакна, пробиотици и микронутриенти, а мисо пастата е поврзана со долговечноста. Студијата од 2020 година покажа дека луѓето кои јадат ферментирани производи од соја, како што е мисо пастата, имаат помал ризик од смртност.