Екстази, психоделични печурки и особено кетамин.
Во текот на изминатите неколку месеци, Илон Маск беше осомничен за употреба на наркотици и покрај тоа што, според неговото сопствено признание, е против нелегалните дроги.
Познатиот американски весник „ Њујорк тајмс “ го објавува ова на последниот ден од работењето на најбогатиот човек во светот како вработен во администрацијата на Трамп.
„Употребата на дрога од страна на Маск отиде подалеку од обичната употреба… Маск, исто така, земаше екстази и психоделични печурки. Тој носеше дневно пакување со рецепт од околу 20 апчиња со себе на своите патувања, вклучувајќи и некои со белези на стимулансот Адерал, според фотографијата и луѓето што ја виделе“, напиша весникот.
Не е јасно дали Маск користел дроги кога се приклучи на Белата куќа оваа година за да ја намали федералната бирократија.
Познато е дека милијардерот во минатото признал дека користел кетамин повремено или неколку пати месечно за да ја држи депресијата под контрола и му рекол на својот биограф, Волтер Исаксон, дека „не сака да користи нелегални дроги“.
„Сепак, неодамна, тој развил поопасни навики со често користење кетамин, понекогаш и секојдневно, и мешање со други лекови“, објавува Њујорк тајмс.
„Границата помеѓу медицинската и рекреативната употреба е нејасна, што предизвика загриженост кај некои од неговите блиски“, според весникот.