Популарната социјална мрежа Tik Tok додаде алатка која ќе им овозможи на корисниците да ја заштитат својата сметка.
Иако иднината на TikTok сè уште е неизвесна, апликацијата продолжува да добива нови функции и подобрувања. Најновата функција се нарекува „Проверка на безбедноста“ и нејзината улога е да ја заштити сметката на корисникот .
Алатката може да ја најдете со одење до Поставки и приватност > Безбедност и дозволи во апликацијата TikTok.
Идејата зад функцијата „Проверка на безбедноста“ е да им се олесни на корисниците да преземаат дејствија како што се поврзување телефонски број и адреса на е-пошта за да се обезбеди дополнителен метод за најавување, потоа вклучување потврда со два фактори, поставување лозинка и активирање биометриски опции за најавување, како што е препознавање лице.
Покрај горенаведеното, корисниците сега можат да видат кои уреди се најавени на нивната сметка, така што е можно да се одбие пристапот до кој било уред што не го препознавате или повеќе не го користите. Дополнително, TikTok ќе го означи и пријави секое невообичаено однесување што ќе го открие на сметката на корисникот.