Апсењата по наредба на специјалниот обвинител Џек Смит, поради воени злосторства на припадниците на ОВК, за време на конфликтот во 90-тите години, може да се прошират и на граѓаните на Албанија, пренесуваат албанските медиуми во Косово.

Неименуван дипломатски извор, запознаен со развојот на настаните во врска со обвиненијата во Хаг, за Топ чанел изјави дека последните апсења на поранешни водачи на ОВК во Косово се само почеток на другиот бран на изведување луѓе пред лицето на правдата, кои ќе треба да се соочат со судења за воени злосторства.

Албанската држава дозволи формирање затвори на ОВК на нејзина територија, докажано е дека се случиле злосторства, а сега специјалните обвинители веројатно ќе ги прошират апсењата на одговорни лица во Албанија, рече добро информиран дипломатски извор.

Обвинението против поранешниот претседател на Косово, Хашим Тачи, се однесува на три затвори во Албанија, во Кукс, Хас и Кахан во близина на Тропоја.

Според Топ чанел, доколку обвинителот побара апсење на албански државјани кои биле припадници на ОВК, Албанија ќе се соочи со обврска да ја прифати надлежноста на овој суд на нејзина територија.

Постојат неофицијални податоци дека хашките обвинители ги вклучија во досиејата на истрагата ја ставиле и одлуката на Советот на министри на албанската влада од 1998 година, која беше потпишана од сите тогашни министри за вооружување на ОВК и обезбедување бази за позадински потреби во североисточна Албанија.

Ова е исто така најпроблематичниот дел што ја вклучува Албанија во оваа истрага, бидејќи одлуката на тогашната влада дозволи ОВК да функционира во таа област, која покрај вооружувањето и организирањето кампови за обука, основаше три затвори во кои, според обвинителите, починале неколку лица како резултат на теророт што се правел врз нив.