Моќното борбено возило Лазански денес беше свечено претставено на Саемот за оружје и воена опрема во Белград.

Борбеното возило Лазански е најголемата sвезда на годинашниот 10-ти Саем за оружје и воена опрема Партнер 2021, што беше отворен на саемот во Белград. Победникот на овогодишното воено воено шоу е опремен со топови од 57 милиметри, што има голема шанса да се лансира во самиот врв на светски борбени возила од овој тип.

Претседателот на Србија, Александар Вучиќ, официјално го отвори Меѓународниот саем за оружје и воена опрема Партнер 2021 и беше информиран за карактеристиките на новото возило на армијата на Србија.

Мислам дека Мирослав сигурно би бил горд, рече Вучиќ.

Со својот изглед и функции, српскиот Лазански спаѓа во кругот на борбени возила со погон на осум тркала, како што се финската Патрија, турската Отокар Арма или францускиот ВБЦИ. Новина кај Лазански е целосен оклоп, без прозорци, како и неспоредливо поголема борбена моќ и дострел до 14 километри.

Иако куполата со топ е произведена во Русија, сепак Србија има технологија за производство на артилериска муниција од калибар 57 мм. Слобода од Чачак, во соработка со Југоимпорт, веќе произведува гранати кои го хранат овој тип оружје – велат експерти за воена технологија.

Лазански е опремен со митралез од 7,62 милиметри и топови од 57 милиметри со соодветна муниција изработена од Слобода во Чачак и два фрлачи за модерни противтенковски насочувачки проектили.

Покрај добрата огнена поддршка што може да ја постигне, тој ќе го заштити екипажот во возилото од муниција од калибар 7,62 милиметри.

Александар Вучиќ на почетокот на август објави дека новото возило на Армијата на Србија, ќе го носи името на починатиот српски амбасадор во Русија, воениот коментатор Мирослав Лазански.