Иако конечните резултати од претседателските избори во САД сè уште не се познати, американските медиуми со денови пишуваат за тоа кој би можел да биде во идната администрација на Џо Бајден.

Во тој контекст се споменува и името на поранешниот државен секретар Хилари Клинтон. Таа се спомува како нов амбасадор во ООН. Така ќе може да ги претставува позициите на Соединетите држави на седницата на Советот за безбедност на ООН посветена на Косово и Метохија.

Повикувајќи се на неименувани извори, „Вашингтон пост“ наведува дека тимот на Бајден ја разгледува кандидатурата на сопругата на поранешниот претседател Бил Клинтон, но дека тоа не е сигурна.

Тимот на Бајден наводно верува дека Хилари Клинтон, која изгуби на претседателските избори од Доналд Трамп во 2016 година, може да го подигне угледот на Америка во очите на меѓународната заедница.

Хилари Клинтон беше државен секретар на САД од 2009 до 2013 година за време на администрацијата на Барак Обама, за кого медиумите претпоставуваат дека може да биде идниот американски амбасадор во Велика Британија.

Врз основа на изборните проекции, американските медиуми го прогласија кандидатот на демократите Бајден за победник на изборите, одржани на 3 ноември.

Сепак, Трамп не ги признава проекциите според кои Бајден е победник на претседателските избори и повеќепати го критикуваше гласањето по пошта, наведувајќи дека тоа го отвора патот до можна изборна измама.

Изборниот штаб на Доналд Трамп поднесе тужби против федералните држави и тврди дека гласањето и пребројувањето на гласовите било нерегуларно.