На денот кога сите зборуваат за одлуката на Бруклин Нетс да го отстрани Кајри Ирвинг од тимот бидејќи не сака да се вакцинира, Мајкл Џордан зборуваше и за таа жешка тема.

Најголемиот кошаркар на сите времиња и сопственик на Шарлот Хорнетс беше запрашан дали е загрижен за ковид протоколите и на сите им стави до знаење што мисли за моменталната ситуација.

Воопшто не сум загрижен. Ниту за момент. Целосно се согласувам со лигата. Сите зборуваат за вакцината и како што знаете јас секогаш цврсто верувам во науката. Јас ќе се држам до тоа. Се надевам дека сите ќе го почитуваат она што Лигата го бара. Мислам дека сите се за тоа и ќе бидеме добро, сигурен е Џордан.

Мајкл донираше 10 милиони долари во февруари за да отвори две клиники „Семејството Мајкл Џордан“ во неговата родна држава, Северна Каролина.

Во тие клиники беа дадени 23.000 вакцини против корона.

Делата говорат повеќе од зборовите. Можам да кажам многу различни работи, но моите дела се она за што сакам да направам разликата, рече тој.

Почитувањето на мерките и вакцинациите се единствениот начин да се спречи ширењето на епидемијата.