Грција ја продолжи забраната за влез на странски државјани, вклучувајќи ги и нашите државјани, до 7 јануари. Одлуката важи за периодот од 15 декември до 7 јануари.

Врз основа на заедничката министерска одлука на грчката влада од 12 декември 2020 година, во сила е забрана за влез на странски државјани во Грција, со цел да се спречи понатамошното ширење на ковид-19.

Оваа забрана не се однесува на државјаните на земјите членки на ЕУ и на земјите од шенгенот.

Забраната не се однесува на медицинскиот персонал, истражувачите и здравствените работници, под услов нивниот влез во Грција да има деловни цели, лица кои подолго време престојуваат во земја членка на ЕУ или во шенген-зоната, како и оние кои имаат дозвола за престој во земјите членки на ЕУ или во шенген-зоната.

Исто така, оваа забрана не се однесува на членовите на државната делегација, персоналот на дипломатско-конзуларните претставништва и делегации, персоналот на меѓународни и европски институции, членови на хуманитарни организации за време на активностите, воениот персонал и припадниците на безбедносните сили или грчкиот Генерален секретаријат за цивилна заштита.

Забраната не се однесува на вработените во областа на транспортот, вклучително и поморскиот и речниот сообраќај, екипажот на авионите, екипажот и техничкиот персонал на противпожарните авиони, како и на возачите на камиони кои се во транзит поради транспорт на стоки, како и апсолутно потребниот персонал за нивниот транспорт.

Од вработените од царината имаше одговор дека ова веќе преминува граници. Луѓето секојденвно се јавуват и прашуваат дали и кога ќе се отворат границите .