Секојдневните навики на луѓето имаат влијание и на сексуалниот живот, без притоа да сме свесни за тоа. Некои навики се добри, но некои од нив можат да го упропастат сексуалниот живот. Откријте за кои навики станува збор.

Мислите дека премногу честата употреба на телефон не влијае на вашиот сексуален живот? Ако спаѓате меѓу оние кои не можат да си замислат пред спиење да не го земат смартфонот во раце, знајте дека ова го прават повеќето луѓе во светот. Поточно, 40% од испитаниците на истражувањето спроведено од Toluna Market Research Institute одговориле потврдно. Особено испитаниците помлади од 30 години или 70% од нив. Сега се прашувате каква врска има мобилниот со недостатокот на секс или поретки сексуални активности?

Не заборавајте дека во креветот не сте сами, ниту дека сета опседнатост со телефонот (на пример ако постојано следите спортски резултати, следите вести или ги следите настаните на социјалните мрежи) може да го ослаби вашето либидо.

Втора навика што ќе ја споменеме е постојаното одложување, си доаѓате уморни од работа или од тренинг и поради сето тоа ги одложувате сексуалните активности. Не го занемарувајте партнерот и не ги занемарувајте придобивките од сексот.

Трета навика, премногу порнографија. Точно е дека порнографијата не го нарушува сексуалниот живот во умерено одбрани моменти или ако претставува поттик во кој и двајцата уживате. Но, ако сами си седите пред компјутер 3 до 5 пати неделно, може да ви донесе проблеми кои навистина не би сакале да ги имате.

На ред е уште една лоша навика, не правите ништо по дома. Ако после работа имате навика да си легнете на кревет и да чекате да ве викнат за јадење, потсетете се дека одамна не сте дете. Жените во секој сегмент имаат еднакви права и треба да знаете дека заедно сте членови на тим во кој секој има еднакви задачи. Колку сте поактивен дома, колку повеќе заедно правите работи, толку повеќе создавате време за да уживате во креветот заедно со партнерката, пишува Men’s Health.