Европскиот комесар за проширување Оливер Вархеји денеска оцени дека Западен Балкан и ЕУ треба да работат заедно за да се подготват за можно и постепено „отворање“ по воведените рестрикции поради епидемијата на Ковид-19.

„Сакаме да им се придружиме на нашите партнери од Западен Балкан на мапата на патот кон ЕУ, што се однесува на постепено укинување на ограничувањата во областа на патувањето, деловно работење и угостителските услуги со почитување на здравствената ситуација“, напиша Вархеји на својот профил на Твитер.

Вархеји учествуваше денеска на видео конференциска средба со министрите за надворешни работи на Западен балкан и соседните ЕУ земји, организирана од шефовите на дипломатиите на Македонија и Грција.


Напишете коментар

Вашата адреса за е-пошта нема да биде објавена. Задолжителните полиња се означени со *