Соединетите држави веруваат дека Кина „спроведува геноцид“ врз муслиманите Ујгури во областа Ксинџијанг, изјави американскиот државен секретар во заминување Мајк Помпео (Мајк) во пресрет на влегувањето на Џо Бајден во Белата куќа.

  • Мислам дека овој геноцид сè уште трае и дека сме сведоци на систематски обид на Кина да ги уништи Ујгурите – потенцира Помпео во изјавата.

Пред изборите во ноември, новоизбраниот претседател Џо Бајден оцени, според изјавата издадена од неговиот изборен тим во август, дека репресијата врз тоа муслиманско малцинство претставува „геноцид на авторитарната влада на Кина“.

– Соединетите држави ја повикуваат Народна Република Кина веднаш да ги ослободи сите затвореници и да стави крај на својот систем на затвори и логори, домашен притвор – набројува Помпео.