Рускиот претседател Владимир Путин изјави дека ќе ја посети Јужна Кореја откако ќе прими вакцина против вирусот корона, соопшти администрацијата на јужнокорејскиот претседател.

Како се наведува тој тоа го изјавил за време на телефонскиот разговор со претседателот на Јужна Кореја, Мун Џае Ин, по повод 30-годишнината од дипломатските односи меѓу Русија и Јужна Кореја.

Ќе патувам за Јужна Кореја. Јас лично ќе бидам вакциниран со руската вакцина и ќе пристигнам, рече Путин, се вели во соопштението.

За време на разговорите, рускиот претседател се осврна на начинот на кој Јужна Кореја се бори против пандемијата, велејќи дека е фасциниран од нивото на мерки што ги воведе Сеул.

Од своја страна, Мун ја пофали соработката меѓу Јужна Кореја и Русија во многу сфери, и покрај проблемите предизвикани од пандемијата на коронарниот вирус.