На гласањето на едно избирачко место во Мисури присуствувал член на изборната комисија на кој четири дена пред изборите му бил дијагностициран Ковид-19.

Со тоа тој потенцијално загрозил речиси 2.000 избирачи.

Ова лице во меѓувреме починало, рекле надлежните, пренесе „Би-Би-СИ“.

Тие наведуваат дека на лицето му било советувано после позитивниот тест да биде во карантин 14 дена. Додаваат дека причината за смртта се уште не е позната.

Во Мисури досега се заразени околу 200.000 луѓе ап починале повеќе од 3.000 лица, покажуваат податоците на универзитетот Џонс Хопкинс.