Убиецот, кој ја активираше бомбата поставена под џипот БМВ Х5 на Страхиња Стојановиќ, преку далечински управувач во неделата на 13 септември, го следеше неговото возило осум километри пред да го притисне копчето и да го убие.

Стојановиќ, кој има дебело досие зад себе, го напушти својот стан во населбата Галеника и тргна кон Нов Белград околу пладне тој кобен ден. Во тој момент тој беше придружуван од неговата девојка, Колумбијката Соња Суарез Гонзалес (45) од која не се одвојуваше последните месеци и од март годинава престојуваа во неговиот стан во Галеника во Белград.

Се шпекулира дека убиецот најверојатно поставил експлозивна направа од голема деструктивна моќ, но прецизно насочена, под возилото на Стојановиќ во текот на ноќта помеѓу саботата и неделата.

Сепак, како што покажа истрагата, експлозивната направа мораше да се активира со далечински управувач, па затоа е јасно дека убиецот го следел возилото на Стојановиќ осум километри пред да ја активира бомбата.

Полицијата ги прегледа сите снимки од сите улици што Стојановиќ ги помина тој ден со цел да се обиде да го идентификува убиецот.

Сосема е сигурно дека убиецот решил да го следи Стојановиќ и да се увери дека тој дефинитивно се наоѓа во возилото, бидејќи пред две години, кога некој се обидел да го убие на идентичен начин, Страхиња Стојановиќ излегол од „аудито“ под кое била поставена бомба и така се спасил во последен момент.

Таа грешка извршителите не сакаа сега да ја повторат и го следеа возилото на Стојановиќ цели осум километри.

Првите резултати од истрагата покажуваат дека истиот експлозив бил користен и во двата напади врз Страхиња, што најверојатно значи дека истиот тим се обидел да го убие и првиот пат, но овој пат не оставил ништо на случајот, па затоа ја активирале бомбата само кога биле сигурни дека Стојановиќ бил во возило. Не е исклучено дека убиецот се погрижил да не убие некој друг, па затоа не ја активирал бомбата неколку минути порано.