Претседателот на Венецуела, Николас Мадуро изјави дека тој ќе биде првиот човек во таа земја што ќе ја прими вакцината Спутник V против ковид 19.

Тој изјавува дека е задоволен што Русија ќе биде првата држава што ќе го вакцинира своето население и дека тој ќе послужи како пример во Венецуела.

Мило ми е што Русија ќе биде прва во светот што ќе го вакцинира своето население“, рече Мадуро во својот телевизиски настап.

Ќе дојде време кога сите ќе се вакцинираме, а јас ќе бидам првиот. Одам да ја добијам вакцината, ќе послужам како пример “, истакна Мадуро.

Руската вакцина против ковид 19, наречена Спутник V, е прва во светот што доби официјално одобрение и веќе влезе во производство. Според руските власти, околу дваесет земји изразиле интерес за неа. Датумот на испорака на вакцината во Венецуела сè уште не е познат.

Според најновите податоци добиени од центарот за вируси Џоан Хопкинс, Венецуела потврди над 33.750 случаи на инфекција, а 281 лица починаа.


Напишете коментар