Гладна црна мечка го прекина семејниот пикник во природниот парк Чипинке во Мексико во државата Нуево Леон. Пријде до семејството што седеше на масата, се качи на неа и им ја изеде храната.
На видеото се гледа како животното јаде енчилада и тако на маса, на само неколку сантиметри од неколку луѓе кои се смрзнале и седат мирни за да не ја вознемират мечката и да ја поттикнат да нападне. Мечката во еден момент многу се приближува до жената која со рацете го покрила лицето на детето.
Видеото објавено на социјалните мрежи веднаш стана вирално и собра повеќе од 10 милиони прегледи на TikTok. Веб-страницата на паркот предупредува дека се почести се блиските средби со мечки. Посетителите се предупредуваат дека во парковите, населбите и улиците во областа околу градот Монтереј се почесто се гледаат мечки, а ризикот за луѓето, но и за мечките се зголемува.
Паркот објави и низа препораки, во кои детално се наведува што да правите, а што да не правите ако наидете на мечка. Една од препораките вели дека „никогаш не треба да се обидете да ја снимите мечката одблиску“.