Возило на Итната помош на Здравствениот дом во Куманово утринава се запалило во кумановска населба додека пренесувало пациент.
Во видео објавено на фејсбук-страницата на „Лајм“ се гледа како од предниот дел на возилото излегува чад, а неколку лица го гаснат. На местото е пристигната и противпожарна екипа кои интервенирале во гаснењето.
Според очевидци, во запаленото возило нема повредени лица, а во него биле само возачот и пациентот.
Повеќе информации околу причините за запалувањето на возилото се очекуваат во текот на денот.
Видеото погледнете го овде, на Фејсбук страницата на Лајм.