Од големите улици на главниот град на целиот Балкан на територијата на САД, градот Чикаго, доаѓа видео кое во последните денови стана хит на социјалните мрежи.
Во морето луксузни автомобили и моќни машини се појави Jуго од кое ечат песните на српската турбо-фолк пејачка Тина Ивановиќ, пренесуваат соседните медиуми.
Дополнително, вниманието на многумина го привлекоа и регистарските таблички кои не кажуваат ништо повеќе, ни помалку од Живорад. Ова е очигледно името на сопственикот на тој автомобил, кој е регистриран во американската сојузна држава Илиноис.
Во коментарите под видеото на социјалните мрежи, корисниците го величаат и фалат изгледот на Југото на Живорад, кое Американците одамна го прогласија за најлошото на сите времиња. Корисниците љубезно го нарекуваат како – „Ферари од Балканот“.