Претседателот на Украина, Володимир Зеленски, денес изјави дека алтернативниот коридор за извоз на жито преку Црното Море ќе продолжи да функционира и покрај сите закани.
Како што се наведува во соопштението од кабинетот на Володимир Зеленски, тој телефонски разговарал со премиерот на Велика Британија, Риши Сунак за функционирањето на таа рута и обезбедувањето на бродот.
Компанијата „Барва инвест консалтанси“ со седиште во Киев и британската безбедносна компанија „Амбреј“ вчера соопштија дека Украина ја прекинала употребата на својот извозен коридор на Црното Море поради можна закана од руски воени авиони и морски мини.