Најголемиот активен вулкан во Европа, Етна на Сицијалија, од синоќа повторно еруптира и исфрла лава.
Според италијанскиот Институт за геофизика и вулканологија (ИНГВ) во Катанија на Сицилија, фонтаната од лава се издигнала до надморска височина од 6.000 метри и го осветлила ноќното небо на истокот од островот.
Во три села на Сицилија е забележан дожд од пепел.
Според ИНГВ, состојбата се смирува и не се очекуваат нови поголеми ерупции.
Вулканот Етна последен пат еруптираше во средината на ноември годинава.