Младиот Бразилец Ендрик важи за еден од најголемите таленти во светот, па многумина веќе му предвидуваат успешна фудбалска кариера. Иако има само 17 години, се чини дека ова дете е веќе подготвено за вистински фудбал, а целиот свет зборува за неговата фигура.
Поточно, фотографиите од неговите нозе ги „запалија“ социјалните мрежи, а навивачите на Реал Мадрид се пошегуваа на негова сметка.
– Ова момче има поразвиени нозе и од бодибилдер – гласи еден од многуте коментари.
Да потсетиме, фудбалскиот клуб Реал Мадрид на крајот на минатата година постигна договор со Палмеирас за трансфер на талентираниот 16-годишен бразилски напаѓач Ендрик Фелипе.
Младиот фудбалер ќе се пресели во Реал кога ќе наполни 18 години, а дотогаш ќе игра за Палмеирас.
За услугите на овој талентиран Бразилец шпанскиот гигант плати дури 60 милиони евра.