Атмосферата во шпанската фудбалска репрезентација е доста напната, а тоа го покажуваат и последните настани.
Новиот тренер на Шпанија, Луис де ла Фуенте, веднаш на стартот на својот мандат на клупата на репрезентацијата се соочи со сериозен проблем – односот меѓу фудбалерите на Барселона и Реал Мадрид е катастрофален.
На првиот тренинг на репрезентацијата кој се одржа само еден ден по дербито Ел Класико во кое Барселона победи со резлутат од 2:1, одвоено тренираа репрезентативците од двата најголеми шпански клуба.
На едната страна Гави и Балде, а на другата Начо, Карвахал и Себаљос. Мора да играат заедно, а на тренинг не се ни погледнуваат.
Да потсетиме, Шпанија на стартот од квалификациите за Европското првенство ќе ги одмери силите со Норвешка в сабота во Малага и три дена подоцна заминува на гости кај Шокотска, а се очекува во средниот ред да играат Гави и Себаљос. Ќе биде исклучително интересно да се види како ќе функционира шпанската фудбалска репрезентација.