Претседателот на Владата на Република Македонија, Талат Џафери, упати честитка за прославата на Рамазан Бајрам до поглаварот на Исламската верска заедница, Реисул Улема Х. Шаќир еф. Фетаи, како и за членовите на Ријасет, муфтии и верници од исламска вероисповед, пренесува Телеграф Македонија.
„Рамазан Бајрами, посакувам да донесе здравје, мир, благосостојба и хармонија во душата, во семејството, во државата. Тоа е празник кој ги обединува семејствата, роднините, пријателите, соседите низ вековите, пренесувајќи ја вредната порака дека само заедничката среќа носи вистинска среќа. Тоа е празник кој поттикнува солидарност и духовна сила кај луѓето за меѓусебно почитување, трпение и разбирање, како единствен пат до посакуваниот мир. Затоа, да правиме добри дела, да бидеме секогаш еден до друг и со подадена рака еден кон друг, заедно да напредуваме“, рече тој.
Исто така, премиерот Џафери вети поддршка од Владата за изградба на заедничка држава, обезбедување на правата и обврските на сите заедници во земјата и продолжување на работата за стабилност и успех на мултиетничката држава во регионот.