13-годишното момче кое на 3 мај уби осум деца и чувар во основното училиште во Врачар, се уште е во процес на утврдување на разумот на клиника.
Убиецот претходните денови ги минал во мирна состојба и не му била препишана никаква терапија. Нема никакви барања и приговори за условите во кои престојува.
Неговите роднини му донеле гардероба и чанта со други потреби, но само во управните канцеларии, без да се сретнат или контактираат, пишува Новости. На вештаците кои го интервјуирале им рекол дека е убеден дека наскоро ќе биде ослободен.
Прашањето за неговиот правен статус и справувањето со размерите на злосторствата што ги направи со денови ја преокупира јавноста. Иако не може да биде изведен пред суд, бидејќи има помалку од 14 години, ниту пак може да биде казнет со некаква кривична санкција, извесно е дека неговиот живот повеќе нема да биде ист.