Кошаркарската ѕвезда Леброн Џејмс, соиграч на Лука Дончиќ, ќе го пропушти почетокот на својата 23-та сезона во северноамериканската НБА поради ишијас. Веста ја објавија бројни американски медиуми, повикувајќи се на вработени во неговиот тим Лос Анџелес Лејкерс.
Четириесетгодишниот Џејмс има проблеми со ишијас на десната страна од грбот и, според ESPN и The Athletic, ќе биде подложен на уште еден медицински преглед за три до четири недели.
Поради ова, тој ќе го пропушти почетокот на сезоната и гостувањето на Лејкерси против Голден Стејт Вориорс на 21 октомври.
Џејмс отсуствуваше од тренингот на тимот во четврток, откако не играше на првите два натпревари од предсезоната, кои исто така ги пропушти и Дончиќ.
Четирикратниот шампион во НБА и рекордер по најмногу поени во историјата на лигата сè уште не одредил датум за крајот на својата извонредна и долга кариера, иако во декември полни 41 година.
„Без разлика како ќе се одвиваат работите, многу сум посветен бидејќи не знам кога сè ќе заврши. Иако крајот е близу. Пламенот го одржуваат жив мојата љубов кон играта, која е непроменета, како и мојата страст за тренинг, која е сè уште недопрена“, објасни Џејмс кон крајот на септември.
