Министерството за здравство информира дека во четири јавни здравствени установи се назначени нови в.д. директори.
Министерството за здравство соопштува дека на Универзитетската клиника за токсикологија, д-р Арѓенд Имери е назначен за вршител на должноста директор, на местото на д-р Андон Чибишев.
„На Универзитетскиот институт за клиничка биохемија, д-р Мимоза Бафќари-Бакиџи е назначена за в.д. директор, на местото на д-р Николина Граждановска. На Универзитетската клиника за неврологија, д-р Игор Кузмановски е назначен за нов директор, на местото на д-р Фатмир Меџити. На Универзитетската клиника за кардиологија, д-р Даница Петкоска Спирова е назначена за нова директорка, на местото на д-р Беким Поцеста“, велат од Министерството за здравство.
Новоназначените директори ќе ја извршуваат оваа функција почнувајќи од 7.8.2025 година.
