Американскиот претседател Доналд Трамп во понеделник одржа состанок зад затворени врати со европските лидери и украинскиот претседател Володимир Зеленски, а деталите од состанокот ги објави „Волстрит џурнал“.
Додека лидерите имаа дел од состанокот пред печатот во Белата куќа, Трамп, Зеленски и Европејците разговараа и зад затворени врати.
Во овие разговори, како што објавува WSJ, Трамп бил особено импресиониран од Александар Стаб, претседателот на Финска.
Поконкретно, Стаб го импресионираше Трамп со една реченица, која се однесуваше на статусот на два града кои се мети на руски напади.
Според WSJ, Стаб ги опишал градовите Краматорск и Славјанск како „последен бастион против Хуните“.
Овој опис, како што пишува овој американски весник, особено го импресионирал Трамп.
„ВСЈ“ исто така откри дека Трамп побарал од европските лидери да престанат да го користат зборот „примирје“ откако рускиот претседател Владимир Путин го отфрлил овој предлог на состанок во Алјаска.
Исто така, беше истакнато дека Трамп побарал од Зеленски дел од украинската индустрија за беспилотни летала во вредност од 50 милијарди долари, а украинскиот претседател ѝ понудил на Америка да купи, со помош на европските сојузници, оружје во вредност од 100 милијарди долари.
