Неколку градови во источна Австралија беа покриени со најобилни снежни врнежи во последните децении, што предизвика пад на сообраќајот, а Службата за вонредни состојби на Нов Јужен Велс соопшти дека во некои области се очекуваат до половина метар снег во текот на викендот, додека во други се очекуваат повеќе од десет сантиметри дожд.
Во делови од северозападниот регион на Нова Англија, паднал најмногу снег во последните 20 години, објави државната телевизија ABC, додека „Сиднеј Морнинг Хералд“ објави дека во една област од соседната федерална држава Квинсленд, паднал првиот снег во последните десет години, објавува денес „Ројтерс“.
Службите за итни случаи соопштија дека реагирале на повеќе од 1.455 инциденти и дека повеќе од 100 возила биле заробени од снегот, бидејќи бурите оштетиле згради и биле издадени неколку предупредувања за поплави.
Десетици илјади потрошувачи ја поминаа ноќта без електрична енергија, а полицијата во Нов Јужен Велс, најнаселената држава во Австралија, објави дека автомобил се заглавил во поплава синоќа, а дека жена на возраст од дваесет години, по која се трага, е исчезната.
