Вицепремиерот за добро управување, Арбен Фетаи, денес поднесе оставка од оваа функција.
„Денес му ја поднесов на премиерот мојата оставка од функцијата заменик-премиер задолжен за добро управување.
Во текот на овие две години, имав чест и привилегија да ѝ служам на земјата, придонесувајќи во реформите насочени кон зајакнување на отчетноста, транспарентноста и владеењето на правото, мисија подеднакво важна колку што е и неблагодарна.
„Дали сум целосно задоволен од она што го постигнавме? Секако дека не. Секогаш има простор за повеќе, за подобро и за побрзо. Но, дали работев со максимална посветеност за да воспоставам здрави темели врз кои ќе градам понатаму? Без никакво двоумење, да“, објавува Фетаи преку својот Фејсбук профил.
Тој додава дека ова е добро осмислена одлука, донесена со убедување дека во сегашните околности ова е најправедното и најдостоинственото нешто.
